OBRADOIRO INTRODUCIÓN Á ANIMACIÓN PARA RAPACES
A QUEN SE DIRIXE?
A nenos e nenas a partir dos cinco anos con presenza dun adulto ou maiores de 10 anos sen adulto acompañante.
ASISTENTES: Máximo de 20 rapaces.
LUGAR: Casa da Xuventude
DÍA: Sábado 5 de outubro Entre as 11 e a 1.
DURACIÓN: 2 HORAS
MATERIAL QUE DEBE TRAER O ALUMNADO
– Teléfono smartphone con carga ao 100%
– Aplicación gratuíta STOP MOTION STUDIO descargada.
PREZO (previa inscrición)
Fillos/as de socios de Xiria: 7€
Resto: 15€
Advertencia: Documentarase graficamente o desenvolvemento do obradoiro sen utilización en ningún caso da imaxe facial dos participantes.
A comisión organizadora da XIX Semana de cine de Cangas. Cinemas Ocultos 2024, oferta un obradoiro de Stop Motion cut out. Esta é unha técnica das máis básicas e divertidas de facer animación.
Mediante esta técnica de animación cadro a cadro, creamos a ilusión de movemento e damos vida a obxectos inanimados e cotiáns. Utilizaremos figuras recortadas que animaremos.
QUE QUEREMOS?
Desenvolver nos rapaces e rapazas habilidades:
– De narración visual.
– De planificación.
METODOLOXÍA
Utilizaremos unha aplicación gratuíta, Stop Motion Studio. Aprenderemos a utilizala de maneira práctica.
Os asistentes utilizarán unha plantilla facilitada pola profesora que manipularán para deseñar o seu personaxe. Tamén creará un fondo onde se desenvolve a acción, despois daremos vida ao noso personaxe.
Gravaremos o audio e exportaremos a nosa película.
Este arquivo de vídeo enviarase a un correo que se facilitará para realizar a montaxe final de todas as películas dos participantes.
Realizarase posteriormente unha proxección de todas as películas.
Preme o botón para facer a túa inscrición no curso.